Meghan Markle ia thjeshtoi shumë punë të dashurit të saj Princ Harry-t. Aktorja e “The Suits”, e cila drejton një markë dhe një blog të quajtur “The Tig”, sqaroi në sajt se si preferon ta kalojë një fundjavë romantike.
“Mendoj se duhet të jesh Shën Valentini i vetes. Mendoj se duhet të gatuash atë darkën e bukur, edhe pse është vetëm për ty, të veshësh rrobat e preferuara, t’i blesh vetes disa lule dhe të festosh me veten dashurinë që shpesh bëhet lëmsh duke u foksuar në gjërat që nuk i kemi”, shkruan Markle.
Postimi është publikuar fillimisht në 2015-n dhe ishte shpërndarë dje sërish, por mesazhi i saj për kujdesin ndaj vetes nuk është i parëndësishëm. Më pas, aktorja zbulon se si ajo planifikon ta kalojë ditën, që përfshinë shpenzimin e kohës me mikeshat dhe trajtimi i vetes.
“Këtë Shën Valentin unë do të jem me miqtë, duke u argëtuar në rrugët e Nju-Jorkut, duke pirë kokteje që janë çuditërisht ngjyrë rozë dhe duke ecur nëpër rrugët me akull me këpucët e mia të reja”, shton ajo.
Burimi: Harper’s Bazaar
