Katastrofë në Xhenova! Ura “Morandi” në Xhenova të Italisë është shembur mbi banesa dhe objekte të tjera, ndërkohë që rreth 20 autovetura kanë rënë.
Deri më tani, media italiane “Ansa” raporton për 11 viktima të nxjerra nga rrënojat, mes tyre edhe një fëmijë, ndërsa 5 të tjerë janë plagosur. Disa makina janë mbërthyer nën rrënojat e urës, ndërsa të tjera automjete përfunduan në përroin “Polvecera”.
il momento del crollo del ponte #morandi a #genova pic.twitter.com/w6T4zaDfTp
— Tersite™ (@Tersite66) August 14, 2018
Në vend kanë mbërritur një numër i madh ambulancash, zjarrfikësish dhe forca të shumta policie. Dy persona janë nxjerrë të gjallë nga rrënojat dhe policia ka nisur kërkimin edhe për personat e tjerë që janë shpallur nën kërkim.
Të dyja karrexhatat kanë rënë në tokë për rreth njëqind metra. Në autostradën A10 Xhenova-Savona është mbyllur kryqëzimi midis A7 Milano-Xhenova dhe Xhenova Aereoport në të dy drejtimet.
Burimi: Ansa
