Ashtu siç ishte përfolur 24 orët e fundit në media, spitali “Shefqet Ndroqi” po bëhet gati për të pritur pacientët e infektuar me Covid-19, pas rritjes së rasteve të reja dhe shtrimeve te Infektivi.
Ministrja Ogerta Manastirliu përmes një postimi në Facebook, ka bërë me dije se së shpejti spitali do të jetë në shërbim të pacientëve të infektuar.
Manastirliu tha se pacientët që vuajnë nga sëmundjet e mushkrive do të trajtohen pranë spitalit “Nënë Tereza”, ku një kapacitet i dedikuar me një numër shtretërish të dedikuar nga ish-spitali kirurgjikal dhe rreth 125 shtretër do të jenë të dedikuar për spitalin Covid 3, ndërsa nëse do të kemi një kapacitet përtej Infektivit dhe “Shefqet Ndroqit” do të shtrihemi tek spitali i ish-kirurgjive dhe do të kemi dhe kapacitetet e spitalit karantinë.
“Brenda këtyre ditevë do të rihapim si spitalin që do të trajtojë pacientet me Covid, spitali, “Shqefqet Ndroqi”. Kemi zgjedhur këtë skenar për shkak të kapaciteteve dhe për shkak të ekipit të specializuar që ky spital ka. Pacientët që vuajnë nga sëmundjet e mushkrive do të trajtohen pranë spitalit “Nënë Tereza”, ku një kapacitet i dedikuar me një numër shtretërish të dedikuar nga ish spitali kirurgjikal dhe rreth 125 shtretër do të jenë të dedikuar për spitalin Covid 3, nëse do të kemi një kapacitet përtej Infektivit dhe atij Shefqet Ndroqi do të shtrihemi tek spitali i ish-kirurgjive dhe do të kemi dhe kapacitetet e spitalit karantinë”, është shprehur ministrja Manastirliu.
Ndër të tjera, ministrja është shprehur se ky është një skenar që po ndiqet për të forcuar kapacitetet spitalore edhe në terapinë intensive, për të përballuar numrin në rritje të të prekurve. Ministrja shprehet se momentalisht nuk konsiderohet mbyllja e vendit, por ekspertët po bëjnë vëzhgimet e tyre.
Në spitalin Universitar “Shefqet Ndroqi”, ku kanë nisur përgatitjet për t’u kthyer në spital COVID2, nisur nga fluksi i shtuar i pacientëve të prekur nga COVID19.
Po forcojmë kapacitetet spitalore edhe në terapinë intensive, për të përballuar numrin në rritje të të prekurve. Stafet mjekësore janë në gatishmëri por një thirrje për çdo qytetar për respektimin e rregullave:
Mbani distancën
Vendoseni maskën
Ruani higjienën personale dhe kolektive
#BASHKË kundër #COVID19
