Ju nuk do të provonit kurrë qëllimisht të nevrikosnit shefin tuaj. Por dita ditës, ju mund të bëni pa vetëdije disa hapa të gabuar, të cilat shqetësojnë gjendjen shpirtërore të shefit tuaj. Po pyesni veten se çfarë janë këto gabime? Lexojini dhe përpiquni të mos bëni ndonjë nga këto lëvizje.
1.Dërgoni email-e në vend që të përfundoni detyra.
Është shumë e bezdisshme për një punëdhënës kur punonjësi, “i jep prioritet detyrave të parëndësishme përpara atyre që janë të rëndësishme”. Kjo do të thotë që nuk duhet t’i ktheni përgjigje me email, përpara se të kryeni detyrat që ai iu ka thënë të përfundoni.
2.Bëheni gati për të ikur dhe më pas pyesni nëse i duhet ndonjë gjë.
Jepni dy sinjale të ndryshme! Visheni për të ikur, fikni kompjuterin dhe më pas pyesni nëse atij ose asaj i nevojitet ndonjë gjë. Ai nuk mund të thotë “Po” sepse kompjuteri juaj është i fikur.
3.Ia delegoni atij punën.
Kjo do të thotë që i nisni një projekt mbrapsht shefit tuaj, me kaq shumë pyetje që ai duhet ta përfundojë punën vet. Një punonjës duhet të jetë i fuqishëm mjaftueshëm për të përfunduar një projekt, pa u konsultuar me shefin e tij.
4.I thoni shefit çfarë mendoni se ai/ajo do që të dëgjojë.
Një nga gjërat më të rrezikshme rreth të qenit menaxher është që njerëzit ndalojnë së thënë çfarë mendojnë ata vërtetë, kështu që ju nuk e dini se kur jeni gati duke e shkatërruar punën apo se kur njerëzit fillojnë të të urrejnë.
5.Justifikimi juaj është, “Sepse kështu është bërë gjithmonë”.
Kjo është mënyra më e bezdisshme se si mund t’i përgjigjeni shefit tuaj. Tregon mungesë intelekti apo dëshire për të përmirësuar veten ose kompaninë.
6.Ju bëni një tregim të gjatë se përse u vonuat për në punë.
E para, përpiquni të mos vonoheni. Por nëse ndodh përpiquni të mos krijoni diçka për probleme me makinën. Mos bëni ndonjë skenë të madhe duke u thënë të gjithëve se çfarë ndodhi dhe përse nuk është faji juaj.
7.Thoni se e kuptoni, kur nuk fakt nuk e kuptoni.
Shefi juaj nuk do të gëzohet kur të kuptojë se nuk keni kuptuar asgjë nga ato që ai/ajo ka thënë. Pse mos të thoni, “Ngeca këtu” ose “Nuk kuptova këtë”, kështu nuk humbisni kohë.
8.Ikni para kohe pa thënë “mirupafshim”.
Nëse mendoni se shefi juaj nuk iu ka parë, atëherë u gabuat. Kur largoheni pa u thënë të tjerëve “mirupafshim”, dijeni se askush nuk e pëlqen këtë, as shefi juaj.
Burimi: Glamour
