Ju e dini se kur një person kaq i famshëm sa Selena Gomez vendos të flasë hapur kundër një aplikacioni kaq popullor sa Instagram-i, lajmet nuk janë fort të mira për kompaninë.
Kështu që shefi i Instagram-it Adam Mosseri vendosi t’i kundërpërgjigjet publikisht këngëtares e cila numëron plot 152 milion ndjekës, për t’i thënë se ndihet i zhgënjyer prej njeriut të tretë më të ndjekur në Instagram.
“Nuk do ta përgjithësoja përvojën e Selena Gomez-it në Instagram si një përvojë që mund të jetë edhe e imja apo e dikujt tjetër. Ajo ka mbi 100 milion ndjekës. Është një botë krejt tjetër.”, u shpreh Mosseri.
Ai shtoi gjithashtu:
“Ne nuk duam që njerëzit të bien në depresion duke përdorur aplikacionin tonë, por s’mundemi as t’i ndalojmë njerëzit të shajnë.”
Kjo kundërpërgjigje erdhi pak pasi Gomez, e ftuar tek emisioni “Live with Kelly and Ryan” në “BBC 1 Newsbeat”, u shpreh se për shkak të ndikimit negativ që ka Instagram-i mbi të, e ka fshirë aplikacionin nga telefoni.
“Dikur merresha shumë me të, por mendoj se është bërë thjesht shumë e pashëndetshme për të rinjte, përfshi veten time, që të kalojnë kaq shumë kohë duke u marrë me komentet dhe t’i lejojmë të na ndikojnë, siç po më ndikonte mua.”, u shpreh Selena.
“Kaloja në depresion. Më bënte të mos ndihesha mirë me veten, ta shikoja trupin tim me një sy tjetër dhe gjithato gjëra të tjera kështu që nuk e mbaj më në telefon. E mban dikush tjetër për mua dhe kur ndiej se dua të ndaj diçka me fansat apo të luaj me të, e bëj aty.”
