Këto ditët e fundit ka bërë bujë të madhe lajmi se disa këngëtarëve shqiptarë u është refuzuar viza dhe u është ndaluar hyrja në SHBA.
Po flasim për këngëtarët e mirënjohur, Gena, Majk, Shkëlzen Jetishi dhe Afrim Muqiqi.
Pse iu është refuzuar viza, cila është arsyeja?
Së fundmi, “Klan Kosova” ka raportuar se arsyeja lidhet me faktin se këngëtarët kanë udhëtuar me vizë turistike, ndërkohë ata e kanë shfrytëzuar mundësinë për të dhënë koncerte për fansat e tyre.
Për ta bërë më të qartë…nëse një këngëtar vendos që të organizojë koncerte në një vend në Shtetet e Bashkuara të Amerikës, atëherë kushti kryesor është që medoemos duhet të jetë i pajisur me vizë pune.
Këtë kusht këngëtarët shqiptarë që përmendëm më sipër e kanë shkelur dhe tashmë pikërisht për këtë arsye, janë penalizuar nga SHBA-të dhe përkohësisht nuk do të kenë mundësi të marrin vizë amerikane.
