Shtetet e Bashkuara të Amerikës kanë dhuruar një fond të majmë për Shqipërinë, për t’i ardhur në ndihmë gjatë luftës me Covid-19.
Lajmin e ka bërë të ditur ambasadorja e SHBA-së në Tiranë, Yuri Kim.
Ajo bën me dije se Shtetet e Bashkuara do t’i japin vendit tonë 1.2 milion dollarë për të gjurmuar virusin Covid-19.
Sipas Kim, paratë do të shërbejnë për përgatitjen e sistemeve laboratorike, aktivizimin dhe mbikëqyrjen e rasteve të reja të infektuar, ekspertët, etj.
Sipas përditësimit të sotëm, brenda 24 orëve të fundit në Shqipëri janë konfirmuar 21 raste të reja me Covid-19, ndërsa numri total i tyre ka shkuar në 539.
Nga rastet e reja, 11 i përkasin Shkodrës, 4 Tiranës, 4 Krujës dhe hartës i shtohet Kurbini me 2 raste.
Shpërndarja gjeografike e rasteve pozitive, është si vijon:
– Tiranë 245 raste
– Durrës 42 raste
– Lushnje 6 raste
– Elbasan 16 raste
– Fier 35 raste
– Kavajë 9 raste
– Rrogozhinë 4 raste
– Korçë 19 raste
– Vlorë 5 raste
– Shkodër 94 raste
– Lezhë 14 raste
– Berat 2 rast
– Has 13 raste
– Krujë 11 raste
-Tropojë 4 raste
– Pukë 5 raste
– Mirditë 3 raste
– Kukës 9 rast
-Mallakastër 1 rast
– Kurbin 2 raste
