Prej disa javësh, Camila Cabello dhe Shawn Mendes janë kthyer në dyshen më të përfolur të showbizit, të cilët nga shokë të ngushtë u kthyen në të dashur sa hap e mbyll sytë!
Ata filluan të fotografoheshin kudo në momente intime dhe duke shkëmbyer me njëri-tjetrin puthje edhe në publik, pa u ruajtur më nga sytë e mediave.
Mbrëmjen e kaluar, Camila dhe Shawn kanë performuar në evenimentin e rëndësishëm “Video Music Awards”, ku kanë ndezur skenën me këngën e tyre tashmë hit, “Senorita”.
Sytë e të gjithëve kanë qenë mbrëmë nga çifti, i cili dhuroi një super performancë ku gati sa s’u puthën!
Ata kënduan shumë pranë njëri-tjetrit, teksa prekeshin dhe shikoheshin në sy, ndërsa në një moment hundët e tyre u bashkuan!
Për më tepër, ndiqni videon e performancës së tyre përvëluese!