Ajo është një aktore profesioniste, por disa gjëra i ka kaluar edhe në jetën e saj reale. Sharon Stone tregon se është në dijeni se si duket parajsa. Në një intervistë të dhënë për revistën “Closer”, aktorja tregoi së në vitin 2001 ajo pësoi një hemorragji në tru dhe sipas saj ajo ka provuar vdekjen, duke u rikthyer përsëri në jetë.
“Ndjeva sikur vdiqa”, shprehet 58-vjeçarja e “Basic Insrinct” për revistën. “Ishte një lloj drite gjigante sipër meje, e cila u duk sikur më rrëmbeu. Nisa të takoja disa njerëz që kanë qenë shumë të shtrenjtë për mua, të cilët kanë humbur jetën”.
Ajo shton se eksperienca e bëri atë të mos jetë më kurrë e njëjtë: “Ishte si një udhëtim i vërtetë, i cili herë më çonte lart, herë këtu. Ishte një ndjesi shumë e shpejtë dhe papritur u riktheva në jetë. Isha përsëri tek trupi im”.
Aktorja tregoi gjithashtu se nuk ka aspak frikë nga vdekja dhe se dëshiron që njerëzit ta dinë se vdekja është diçka e bukur, është një dhuratë. Së fundmi aktorja përflitet se i dha fund beqarisë, pasi u dallua muajin e kaluar në shoqërinë e një mashkulli.
Burimi: Daily Mail
