Stresi publikoi disa ditë më parë këngën e tij më të fundit “Po foli i fundit”, në të cilën ka thumbuar shumë reperë shqiptarë. Mes tyre, Stresi hodhi thumba dhe për liderin e “Babastars”, Getoar Selimin.
“Marre nuk tvjen i thu vetit ma i madhi nven
I dole Ledrit deshmitar ngjyq tash pse be po rren
E ju k*** e tina
Mos tju shof neper bina
Lejeni hip hopin e keni dh*
Ma e forta Doruntina”, shprehet Stresi në këngë dhe të gjithë e përkthyen si një diss për Getoarin.
Ndërkohë pas kësaj kënge ka reaguar edhe menaxheri i “Babastars”, Dekori. Ai i është kthyer ashpër Stresit dhe ndër të tjera shprehet se reperi nuk ka bërë asgjë gjatë 20 viteve karrierë, përveçse ka blerë klikimet për t’i bërë këngët e tij të duken të suksesshme.
Por edhe përgjigja nga ana e Stresit nuk ka munguar. Ai shprehet se mjafton të pyes labelin “ThreeDots” për të mësuar për sukseset në karrierën e tij. Gjithashtu reperi shkruan se në fakt ka qenë “Babastars” që e ka hapur lojën e blerjeve të klikimeve.
“Të kallxon familja e madhe 3dots prej kur kam dhez unë dhe nuk shuhem kurrë. Ahhh harrova të them që zippo nuk shuhet kurse ju jeni përdorimsa hahahaha. Harrova të them se ju e keni shpik blerjen e klikimeve”, shkruan Stresi në reagimin e tij.
