Ndodh edhe kështu!
Jemi mësuar që shpesh në vendin tonë, meshkujt të ngacmojnë, bezdisin apo shantazhojnë femrat, por një rast i ndodhur së fundmi është komplet i kundërt!
Një 15-vjeçare nga Tirana është dënuar me 1 vit burg nga Gjykata e Tiranës për një arsye që shumica prej nesh s’do ta besonin.
Minorenia kishte njohur online në Instagram një djalë 23-vjeçar dhe pas disa kohësh, kishin nisur të flisnin në aplikacionin Snapchat.
Pak nga pak, bisedat e tyre kishin nisur të ‘nxeheshin’, duke kaluar në erotike. Pikërisht këto mesazhe “hot”, 15-vjeçarja nga Tirana i ka shfrytëzuar për të shantazhuar djalin e ri 23-vjeçar.
Ajo i kishte kërkuar djalit me të cilin bisedonte 100 mije lek, ose ndryshe do ta denonconte në polici.
Arsyeja? Kishte ngacmuar një minorene!
23-vjeçari ka njoftuar policinë për shantazhin dhe momenti i dorëzimit të parave është monitoruar nga policia.
Gjykata e Tiranës e dënoi 15-vjeçaren me 1 vit burg për akuzën e “shtrëngimit me anë të kanosjes për dhënien e pasurisë”, megjithatë vajza nën moshë nuk do të bëjë asnjë ditë burg për shkak të moshës.
Raste të tilla na kujtojnë se të gjithë duhet të shtojmë kontrollin tek minorenët, për të shmangur situata të tilla që i dëmtojnë ata.
