Sot është afati i fundit për të aplikimet për Lotarinë Amerikane, e cila nisi më 3 tetor dhe përfundon zyrtarisht në orën 18:00.
Nëse ende nuk keni aplikuar, por dëshironi që të provoni fatin tuaj, atëherë ju kanë mbetur edhe pak orë kohë.
Fillimisht nuk duhet që t’ju kapë ankthi, se ditët kanë përfunduar dhe ju nuk patët kohë të aplikonit apo e latë për momentin e fundit.
Për të aplikuar për Lotarinë Amerikane nuk keni nevojë t’i kërkoni ndihmë askujt, pasi formulari online mund të plotësohet lehtësisht nga ju.
Në formularin e aplikimit kërkohen të dhënat bazë tuaja, që për të mos gabuar mund të ndiqni videon, e cila ju tregon në shqip hap pas hapi si ta plotësoni.
Ambasada amerikane në Shqipëri ka publikuar shpesh këshilla për detajet që, duhet të dimë para se të aplikojmë, por më kryesoret janë këto:
“Aplikoni vetëm një herë, sigurohuni që foto është e përmasave të duhura, të jetë e 6 muajve të fundit ose e re, kontrolloni mirë të dhënat, nuk lejohen germat ç dhe ë, përfshini bashkëshortët dhe fëmijët që janë nën 21 vjeç të pamartuar”.
Para se të nisni aplikimin lexoni rregullat e plotësimit të formularit këtu.
