Largimi i Ilda Bejlerit nga SuperSport u bë shumë i bujshëm, veçanërisht pas deklaratave të Dritan Shakohoxhës.
Komentatori tha se kishte qenë ai që ia dha lajmin e largimit nga puna moderatores.
Në një intervistë për “Pushime on Top”, ai u shpreh se vendimi për të shkëputur marrëdhëniet profesionale nuk u prit mirë nga Ilda:
“Mbase nuk e përjetoi mirë lajmin që i dhashë, por unë jam trajner përveçse brigadier dhe në periudhën e verës e rikompozojmë skuadrën. Në gjithë këto vite kanë hyrë dhe kanë dalë nga kjo skuadër shumë personazhe dhe ata që kanë ikur, kanë vazhduar karrierën e tyre diku tjetër. Unë e kam marrë në fillim në televizion [Ildën], bashkë me djemtë e stafit dhe ne vendosëm që ajo të shihte dhe opsione të tjera, në një kanal tjetër. E përjetoi me emocion largimin nga Digitalb por ne kemi qenë ata që i kemi dhënë mundesinë dhe ajo e ka shfrytëzuar shumë mirë dhe ka punuar si profesioniste…”, tha Shakohoxha.
Por pas kësaj interviste ka reaguar vetë Ilda e cila u shpreh se një komentator nuk mund të të pushojë nga puna. Me ironi ajo shkruante pak ditë më parë duke qeshur në Instastory se “nga puna të heqin e të marrin pronarët jo komentatorët e ndeshjeve”.
Po kush do ta zëvendësojë Ildën?
“Bordo.al” bën të ditur se Ildën në “Zona Gol”, do e zëvendësojë pasi Glendi Tafaj, ish-futbollist e aktualisht një ndër gazetarët më të njohur.
Drejtuesit e Supersport kanë menduar se ka ardhur koha që Glendi, gjithë informacionin si futbollist dhe gazetar profesionist t’ia përçojë publikut nga studio e emisionit dhe jo më nga terreni.
