Gazetari dhe komentatori i njohur i sportit, Dritan Shakohoxha, kujton një nga momentet më të vështira të jetës së tij dhe lidhet me të birin, Frenkli.
Shakohoxha përjetoi emocionet e të qenit baba kur ishte vetëm 23 vjeç dhe i ftuar në emisionin “Në kurthin e Piter Pan”, ai tregoi se i duket sikur ka “lindur i martuar”.
Ndërsa u pyet për të kujtuar një nga momentet më të vështira, Dritan Shakohoxha nuk mund të harrojë ditën kur djali i tij i madh pësoi një aksident.
“Momenti ndoshta më i vështirë i jetës ka qenë kur Frenkli, djali im i madh, pati një aksident dhe u vra në kokë. Na u krijua ideja se do të ndodhte ndonjë gjë shumë e keqe. Thonë shpesh se njeriu mund të qëndrojë pa gjumë, ne kemi qëndruar 5 ditë pa gjumë dhe pa ngrënë, por Zoti është i madh. Gjithçka kaloi…”, kujtoi komentatori i sportit gjatë emisionit.
