Ndarja e Shakira-s dhe Gerard Pique-s vazhdon të krijojë polemika, pasi thashetheme të reja dolën për arsyet pse çifti vendosi të ndahej.
Së fundmi u zbulua se këngëtarja kolumbian kishte punësuar një agjenci detektivësh dhe përmes tyre kishte zbuluar se po tradhtohej nga i dashuri i saj.
Gjithashtu u raportua se Shakira kishte në posedim imazhet e Pique-s pranë gruas me të cilën dyshohet se e tradhtoi dhe ato nuk do të dalin në dritë sepse ajo ka paguar për to dhe për të pasur privatësi.
Shakira dhe Pique pak ditë më parë konfirmuan se po ndaheshin pas 12 vitesh lidhje, por nuk zbuluan arsyet dhe kërkuan respekt për jetën e tyre private.
Në disa media u raportua se mesa duket arsyeja e ndarjes ishte tradhtia e futbollistit të Barcelonës ndaj Shakirës me një vajzë rreth 20-vjeçare, e cila ishte kamariere në një lokal.
Madje në një moment u tha se nëna e Gavi, shokut të skuadrës së lojtarit në ekipin e parë të Barcelonës, ka qenë shkaku i ndarjes mes Shakirës dhe Piques. Mirëpo ky thashethem u përgënjeshtrua shpejt nga mediat.
Por përveç lajmeve të tradhëtisë, burime pranë çiftit sigurojnë se ata nuk jetonin bashkë dhe ndiheshin rehat vetëm në një situatë, në shtrat.
Ata kishin mungesë komunikimi dhe nuk përshtateshin mirë me njëri-tjetrin jashtë shtratit.
