Gerard Pique dhe e dashura e tij aktuale Clara Chia Marti, nuk po gjejnë qetësi. Lidhja e tyre vazhdimisht përndiqet nga e shkuara e futbollistit.
Së fundmi marrëdhënia e tyre nuk po përjeton një moment të mirë, shkak i këngës së re të Shakirës.
Këngëtarja kolumbiane disa ditë më parë publikoi “Monotonia”, e cila qartazi ishte një himn tjetër i ndarjes së saj nga mbrojtësi i Barcelonës.
Siç raportojnë mediat e huaja, Clara është shumë e prekur nga kjo këngë dhe gjithë vëmendja që ajo po merr.
Ndaj ka preferuar të qëndrojë larg çdo gjëje, të paktën të mos ndihet e sulmuar.
Gjendjen e të dashurës së Pique-s e bëri me dije gazetari i njohur spanjoll, Jordi Martin teksa shtoi: “Më thonë që Clara nuk shkon më as në punë në zyrat e “Kosmos”, por punon nga shtëpia, nuk është aq e fortë.”
Siç pritej, deklarata e Jordi-t tashmë kanë ngjallur lloj-lloj komentesh në rrjet. Edhe pse disa thonë se Clara Chia duhet të ishte e përgatitur për të qenë në qendër të vëmendjes.
Të tjerë kanë dalë në mbrojtje të saj, duke argumentuar se ajo nuk duhet të jetë objekt kritikash, sepse Pique është ai që duhet të marrë përsipër pasojat e ndarjes me Shakirën.
Sakaq kujtojmë që “Monotonia” e Shakirës dhe Ozuna-s numëron 60 milion klikime në “Youtube” për më pak se një javë.
