Shakira mund të jetë një fituese e “Grammy”-t dhe e disa çmimeve, por ditët e sotme ajo e quan muzikën një hobi.
Këngëtarja e ka patur të vështirë t’i rikthehej muzikës së saj pas shkëputjes, që bëri për t’u kujdesur për fëmijët e saj. Këngëtarja u shkëput nga muzika, për t’ju dedikuar rritjes së djemve të saj, Milan, 4 vjeç dhe Sasha, 2 vjeç dhe e pati tepër të vështirë të rikthehej në studio.
40-vjeçarja e kishte tepër të vështirë të shkruante këngë të reja për shkak të procesit krijues, i cili i dukej tepër i vështirë, por edhe për kohën e gjatë që ai kërkonte.
“Isha përpara fletës së bardhë dhe në të njëjtën kohë mendoja për kohën e gjatë, që duhet të kaloja larg fëmijëve të mi, por dëshiroja që të vazhdoja karrierën time si krijuese, artiste dhe producente”, ka thënë këngëtarja për “Associated Press”.
