E përlotur dhe shumë emocionale ishte dje modelja braziliane Adriana Lima, e cila sfiloi për herë të fundit për Victoria’s Secret.
Supermodelja uli krahët dhe u largua nga sfilata që i dha emër dhe e bëri atë të njohur në mbarë botën.
Organizatorët i bënë asaj një surprizë të veçantë duke shfaqur një video-montazh të klipeve nga momentet e përvitshme të Victoria’s Secret. Videoja përfundoi me një mesazh “faleminderit” përpara se skena të errësohej dhe Lima të shfaqej në pasarelë.
37-vjeçarja më pas sfiloi për herë të fundit me shumë emocione ndërsa të ftuarit iu ngritën në këmbë në shenjë respekti.
Modelja shprehu gjithashtu mirënjohjen e saj në një postim në Instagram të mërkurën.
“E dashur Victoria, Faleminderit që më tregove botën, duke ndarë sekretet, dhe më e rëndësishmja jo vetëm duke më dhënë krahë, por duke më mësuar të fluturoj”, shkruante ajo në Instagram.
Ky rrugëtim i saj do të mbetet i paharrueshëm!
