Dy qytetarët shqiptarë nga Kosova që ecën me shpejtësi skëterrë 230 km/h në vendin tonë u bënë epiqendra e lajme këto ditë. E teksa të gjithë po flasin për këtë çështje, ish-konkurrenti i “Për’puthen”, Fation Kuqari sfidoi policinë dhe “fluturoi” me veturën e tij luksoze.
Këtë gjë nuk e fsheh aspak dhe madje ka publikuar në rrjete sociale një video ku shihet teksa lëviz me shpejtësi mbi 215 km/h me veturën e tij të tipit ‘’Audi’’.
Kjo nuk është hera e parë në fakt që ish-konkurrenti bën të tilla veprime dhe i shfaq në mënyrë publike.
Ky lajm u bë mjaft viral, e mesa duket më në fund ra në “veshin dhe syrin” e policisë dhe Faton Kuqari e mori ndëshkimin me gjobë prej 40 mijë lekësh të rinj, sipas “Abc.al”. Por a do shërbejë kjo për ndërgjegjësimin e tij? Epo, le të shpresojmë që po.
Përsa i përket eksperiencës së tij në program, kujtojmë se para se të hiqte dorë përfundimisht nga “Për’puthen”, Fation Kuqari hodhi akuza të forta për Melisa Lleshin. Ai u shpreh se ajo kishte krijuar lidhje të fshehtë me një nga djemtë e emisionit dhe shkoi aq larg sa e akuzoi vajzën flokëkuqe se ajo kishte kryer edhe marrëdhënie. Fationi nuk preferoi të jepte detaje të tjera, ndërsa Melisa i hodhi poshtë këto akuza. Edhe pse Fationi nuk e tha emrin e djalit me të cilin pretendonte se Melisa ishte në lidhje, publiku zbuloi se bëhej fjalë për Andi Shehin.
Madje, Melisa dhe Andi e konfirmuan vetë më vonë lidhjen e tyre të fshehtë, duke konfirmuar kështu fjalët e Fationit.
Në një intervistë për “Natë Vere”, Fationi u pyet për Melisën dhe habiti me komentin që dha për të. Kësaj here, ai i bëri një kompliment ish-konkurrentes, duke u shprehur se i pëlqen si këngëtare.
“I uroj suksese. Tani të themi të drejtën nga të gjithë këngëtarët që kanë dalë aty Melisa është më e hajrit. Më pëlqen si këngëtare”- tha Fationi.
Me këtë deklaratë, ai la të kuptohet se gjërat mes tyre ishin sheshuar.
