Aktorja turke Demet Ozdemir u bë tepër e dashur për publikun shqiptar me rolin si “Zejnep” në serialin turk “Shtëpia ime, fati im”. Lajme të mira na vijnë për aktoren e cila ditën e djeshme u fejua me të dashurin e saj Oğuzhan Koç. Pamjet nga ceremonia e fejesës u përhapën në rrjetet sociale teksa fansat festuan dashurinë e dyshes.
Demet kishte zgjedhur një veshje dhe grim mjaft të thjeshtë me një fustan të gjatë me një prerje elegante. Menjëhere pas lajmit, Fansat kanë vërshuar me urime për çiftin e lumtur përmes rrjeteve sociale.
Fejesa e çiftit vjen vetëm pak jave pasi ata u ndanë për një muaj. Sipas shtypit turk dhjetorin e kaluar, lidhja përfundoi pas një debati të fortë që ndodhi në një udhëtimi romantik në Paris në mes të atij muaji. “Padyshim që ka mbaruar, nuk ka kthim prapa”, u tha çifti atëherë miqve të tyre më të ngushtë. Megjithatë, pas një muaji e gjysmë ndarje, ata reflektuan dhe i dhanë vetes një shans të dytë që ka kulmuar me fejesën dhe dasmën që pritet të mbahet këtë verë.
Edhe pse nuk kemi ndonjë datë zyrtare akoma, sipas mediave turke cifti së shpejti do të kurorëzojnë dashurinë e tyre në martesë gjatë verës. Kur aktorja u pyet për ditën e dasmës, ajo tha se ende nuk e kanë vendosur dhe se ditën që do ta caktojmë datën, do ta ndajmë me ju.
