S’është për t’u mburrur! Kjo gjë na bën të renditemi të fundit në rajon

Nëse punon në Shqipëri, do të paguhesh më pak se në çdo vend në rajon.

“Monitor.al” raporton se paga që merr në fund të muajit në vendin tonë është më e ulëta në të gjithë rajonin, për të gjithë sektorët, si në banka, sigurime, industri, bujqësi, arsim dhe sidomos në teknologji informacioni dhe shëndetësi.

Lexo edhe :

Më shumë se kurrë, gratë në të 40-at po lidhen me meshkuj më të rinj se vetja/ A po përqafohet ky ‘trend’ edhe në Shqipëri?

15:39 06/02/26

Arbana Osmani: E kam dënuar veten që u mërzita kur mora vesh se isha shtatzënë me vajzën, nuk isha gati për një fëmijë tjetër

12:06 06/02/26

Mali i Zi paguan më shumë bankierët, Serbia dhe Maqedonia kanë më të lartat pagat e punonjësve të teknologjisë dhe informacionit, dyfish në krahasim me Shqipërinë. Nëpunësit, mjekët, mësuesit janë “të diskriminuar” në raport me rajonin, paguhen deri 80% më pak.

Paga mesatare në Shqipëri, prej rreth 50 mijë lekësh (gati 400 euro) është më e ulëta nga të gjitha vendet e rajonit. Më e larta është në Mal të Zi (765 euro), Serbi (644 euro), Maqedoni (591) dhe Kosova e parafundit (528 euro).

Megjithatë, duhet pasur parasysh se Shqipëria është një nga vendet që ka evazionin më të lartë në sigurimet shoqërore. Pagat reale mund të jenë dhe më të larta, pasi INSTAT deklaron pagat në bazë të informacionit nga Tatimet, për të cilat paguhen sigurime shoqërore.

/Monitor