Mbrëmjen e sotme, teksa ishte i ftuar në “Real Story”, kryeministri Edi Rama u përpoq të justifikonte mënyrën si i prezantoi në publik disa figura publike të Partisë Demokratike, duke i denigruar ato.
Shumë persona i kërkuan Ramës ta fshinte videon, pasi ai sulmonte në mënyrë seksiste dhe bullizonte gratë demokrate.
Mbrëmjen e sotme në “Real Story”, Rama është shprehur se nuk është faji i tij që njerëzit e shikojnë Grida Dumën nga ana seksuale, pasi ai nuk ka pasur këtë qëllim me foton që kishte përzgjedhur.
“Ju mendoni se është faji im që ju e shikoni Grida Dumën nga ana seksuale. Unë nuk e shikoj fare në atë aspekt! Ma bjer një mikrofon këtu! Çfarë ka aty, ja dëgjojeni!
Unë e kam ndjekur atë debat, nuk ka nevojë ta vendosni ju tani. U sulmua nga një burrë dhe i ktheu përgjigje. Unë thjesht kam ilustruar personazhin. Fakti që ju shikoni të tjera gjëra në gojën e Gridës dhe në mikrofon. Gridare do të thotë të bërtasësh, volare të fluturosh. Unë thjesht bëj ilustrumin. Kur ti e dëgjon të bërtasë e të thotë gjëra të ndyra në një studio, thua po mbron veten. Ti thua që tani unë e kam seksualizuar.”- tha Rama.
