Kosova feston 10-vjetorin e Pavarësisë më 17 shkurt, ndaj për këtë ditë po organizohet një festë e madhe.
Ndër të tjerave, është menduar një aktivitet muzikor që do të mbledhë disa nga artistët më të mëdhenj, mes të tjerëve edhe Rita Orën. Ajo ka konfirmuar performancën e saj në sheshin kryesor të Prishtinës, për të festuar bashkë me të gjithë shqiptarët këtë ditë të rëndësishme.
Pas Ritës, u përfol se Dua Lipa kërkonte para që të performonte, ndaj deri më tani nuk ka asgjë zyrtare. Artistja e tretë, që do t’i bashkohej koncertit ishte edhe Dafina Zeqiri, e cila prej kohësh tashmë po jeton në SHBA dhe sigurisht publiku shqiptar ka mall për të.
Me postimin e bërë në fillim në shkurtit në “InstaStory”, Dafina Zeqiri hodhi dyshime se mund të jetë edhe ajo në Prishtinë për të kënduar.
“Ndoshta një surprizë për Pavarësinë e Kosovës?”, shkroi këngëtarja.
Siç duket kjo nuk është e vërtetë, sepse në një postim të fundit, Duffy ka zbuluar se së bashku me Mc Kresha-n do të mbajë një koncert në Zvicër në datën 17 shkurt.
Ndonëse jo në koncertin e Prishtinës, Duffy gjithsesi ka zgjedhur të jetë pranë publikut shqiptar në ditën e rëndësishme të 17 shkurtit.
Burimi: Instagram
