Stresi ka marrë përsipër të gjitha fajet për problemet në martesën e tij me Keisin.
Duke folur mbrëmë në emisionin “Klanifornia” ai u shpreh se është shumë e vështirë të mbash një lidhje dhe kjo për fajin e meshkujve dhe jo të femrave.
Reperi i kërkoi falje bashkëshortes së tij e cila jeton në Kanada, ku u largua që pas daljes nga burgu të Stresit.
Ai u shpreh se e ka tejkaluar me disa gjëra në jetën e tij dhe për këtë i kërkon falje edhe Zotit.
Marina Vjollca: Për çfarë do t’i thuash më fal Zotit?
Stresi: Në gjithë jetën e përditshme, të gjithë ne bëjmë mëkate. Të gjithë jemi mëkatar te i madhi Zot. Them më fal në qoftë se unë nuk shkova në rrugën që ti deshe të më çoje. Sadopak që kam tejkaluar, se unë edhe e kam ekzagjeruar çik në jetën time në disa gjëra dhe kërkoj shumë falje.
Marina Vjollca: Për çfarë do t’i thuash Keisit më fal?
Stresi: Kjo nuk është e lehtë fare për mua. Në daç pranoje falje, në daç mos e prano, rëndësi ka që unë e them. Normale që i kërkoj falje, sepse çfarëdo që të kalojë njeriu, është shumë e vështirë të mbash një lidhje, nuk është për fajin e femrave, por është për fajin e meshkujve. Normalisht i them më fal. Besoj që do vlejë dhe nuk kam se si ta argumentoj ndryshe.
/tvklan.al
