Në Shqipëri nuk ka asnjë rast të prekur me Koronavuris.
Ditën e djeshme janë testuar 3 raste të tjera të dyshuara me Koronavirus, por nga testi i analizave rezultuan negativ.
Eugena Tomini, nga Instituti i Shëndetit Publik tha në një dalje për mediat se deri më tani janë testuar 29 persona që kanë rezultuar të paprekur nga Koronavirusi.
“Dje janë testuar 3 raste të dyshuara me Koronavirus, por rezultuan negativ. Nga periudha e shfaqjes në Kinë deri dje, 29 raste janë testuar dhe kanë rezultuar negativ”, u shpreh Tomini.
Të gjithë personat që kanë udhëtuar nga zonat e prekura duhet të vetëizolohen.
“Ministria e Shëndetësisë rekomandon për udhëtarët që kanë udhëtuar nga rajonet e prekura apo që kanë pasur kontakt me persona të infektuar të vetëkarantoniohen për 14 ditë”, tha Tomini në një deklaratë për mediat.
Por çfarë do të thotë vetëizolim dhe kush duhet ta bëjë atë?
Vetëizolimi ka të bëjë me mbrojtjen e të tjerëve nga vetja dhe ndalimin e përhapjes së sëmundjeve infektive siç është Koronavirusi.
Kushdo që dyshon se mund të ketë diçka që nuk shkon me shëndetin e tij (temperaturë, vështirësi në frymëmarrje, kollë, teshtima), duhet të qëndrojë brenda dhe të shmangë kontaktin me njerëzit e tjerë për të parandaluar që të përhapet sëmundja te familja, miqtë dhe komuniteti i gjerë.
Për më tepër informacion lexo (këtu).
