Mëngjesi i të hënës ka nisur sërish me lëkundje në rajonin e Korçës, duke futur në panik qytetarët.
Prej tre ditësh tërmetet në këto zona jo vetëm që nuk po ndalen, por kanë pasur pasoja të rënda me shtëpitë në disa fshatra të Korçës.
Sipas Institutit të Gjeoshkencës, dy lëkundje janë regjistruar pak pas mesnatës dhe në orët e para të mëngjesit.
Konkretisht tërmeti i parë ra në orën 00:23 me magnidutë 2.4 ballë, 16 km nga Korça, ndërsa tërmeti i dytë u regjistrua në orën 03:06, me magnitudë 2.1 balla.
Mësohet se banorët kanë lënë banesat duke dalë jashtë nga frika se mund të rrënohen.
Shtëpitë e 200 banorëve u dëmtuan nga tërmetet e njëpasnjëshme në 1 qershor në fshatrat Floq, Qafë Zezë dhe Vidovë, duke i detyruar ata të kalojnë natën në çadra.
184 banesa janë të dëmtuara, ndërsa 95 prej tyre janë të dëmtuara plotësisht.
