Para pak ditësh, Ellen DeGeneres u konfirmua pozitive me Covid-19. Ajo ka ndarë me fansat gjithë simptomat, teksa lufta e saj me virusin e rrezikshëm vazhdon. Përmes një videoje të publikuar në rrjete sociale, moderatorja e famshme ka rrëfyer të gjithë efektet e Covid-19.
Ellen ka thënë se në përgjithësi ndihet mirë, por ka dhimbje shpine shumë të fuqishme, gati torturuese. Ajo është shprehur se kjo ka qenë gjëja më e vështirë për të për ta përballuar.
“Ndihemi 100%. Ndihem vërtetë mirë. Diçka që ata nuk ta tregojnë, janë dhimbjet torturuese të shpinës. Nuk e dija se kjo ishte një simptomë. Kush e dinte? Si vjen? Dhimbje shpine. Keq”, është shprehur Ellen në videon e saj.
View this post on Instagram
Së fundmi, DeGeneres u fotografua jashtë shtëpisë së saj pa maskë. Ajo ka dalë nga shtëpia vetëm nëntë ditë pasi ajo doli pozitive në testin ndaj Covid-19.
Në fotot që tani janë bërë virale, ajo shihet duke qëndruar në një parking ndërsa po bën një telefonatë.
Ndërsa askush nuk u pa të qëndronte afër saj, mediat zbuluan se kishte qenë në Garde në Montecito, Kaliforni.
Emisioni që ajo drejton “The Ellen DeGeners Show” është mbyllur, sepse moderatorja ndoqi të gjitha rregullat sapo mësoi se ishte prekur nga koronavirusi. Sezoni i 18-të i emisionit është xhiruar pa audiencë, që pas rikthimit në muajin shtator dhe shumica e të ftuarve kanë qenë të ftuar në mënyrë virtuale.
Kjo vjen pasi Ellen u vendos në qendër të vëmendjes mediatike muajt e verës, pasi një ish-punonjës deklaroi se vendi i punës në emisionin e saj ishte shumë toksik. Më pas të tjera histori pasuan dhe Warner Bros ndoqi një investigim për këtë rast.
