Një tjetër rast dhune është shënuar ndaj gazetarëve në detyrë nga punonjësit e Gardës së Republikës.
“Klan” raporton se teksa reporterët dhe kameramanët po prisnin një prononcim të Guvernatorit të Bankës së Shqipërisë, në dalje të Kryesisë së Kuvendit, një gardist ushtroi dhunë fizike ndaj gazetares së televizionit “Klan”, Ola Xama.
Gardisti e ka kapur nga krahu duke e tërhequr me forcë gazetaren, me arsyetimin se po pengonte kalimin e deputetëve.
Pa i kërkuar më parë që të largohej verbalisht, ai ka vënë dorë mbi gazetaren, por nuk është mjaftuar me kaq. Pas këtij akti, ai ka nisur të ulërasë dhe është dashur reagimi i disa gazetarëve të tjerë që ai të ndërpriste sulmin verbal.
Në videon e mëposhtme shfaqet një foto e gardistit që dhunoi gazetaren.
Rreth dy javë më parë, një tjetër gardist, truprojë i Kryeprokurores së përkohshme, Arta Marku ushtroi dhunë ndaj gazetarit të Klan Plus, Renaldo Salianji, në prani të kreut të akuzës.
