Ndeshja e mbrëmshme midis Serbisë dhe Brazilit u mbyll 2-0 për këto të fundit. Brazilianët kërcënuan disa herë portën e kundërshtarëve, ndonëse vetëm dy goditje u finalizuan në rrjetë.
Goli i dytë i Richarlison me plotë gojë do të konsiderohet si goli më i bukur i këtij Botërori. Këtë rezultat e ka festuar edhe Trim Ademi i njohur si Capital T.
Më shumë se fitoren e Brazilit duket se reperi ka festuar humbjen e Serbisë. Artisti ka postuar një video të rezultatit të ndeshjes dhe shprehet se ndjehet shumë i lumtur për humbjen e Serbisë.
“Zemra Mal”-shkroi Trimi.
Sa i përket jetës personale më herët në një intervistë reperi u ndal tek fëmijëria e tij, duke folur edhe për planet e tij për martesë.
“Ka pasur periudha gjatë fëmijërisë që kam qenë shumë problematik, por kam pasur edhe momente që kam qenë shumë i urtë. Unë jam rritur me shumë njerëz të afërt. Madje, familja kurrë nuk më ka përkëdhelur edhe pse njerëzit mendojnë se ne i kemi pasur kushtet.
“Unë mendoj që për martesë, kurrë nuk është herët e kurrë nuk është vonë. Edhe nëse do isha martuar 20 apo 22 vjeç, prapë nuk do ishte herët. Unë jam njeri shumë familjar, e dua familjen dhe shpresoj që në një të ardhme të afërt të krijoj familje. Dua të jem një model i mirë për të gjithë njerëzit, madje edhe në këtë aspekt”.
