Fansat mbetën të shkatërruar nga vdekja e saj e parakohshme nga një ovredozë droge më shumë se katër vite më parë.
Por tani adhuruesit e së ndjerës Whitney Houston mund të marrin në duart e tyre disa nga gjërat më të çmueshme të yllit, duke përfshirë fustanin e saj të dasmës, për 40.000 dollarë dhe pasaportën e saj të parë.
Një koleksion i yllit të ndjerë përfshirë kostume skenike, sende personale, rrobat dhe çmime e saj fituese janë në shitje në internet me anë të ankandeve të trashëgimisë.
Më shumë se 100 sende simbolike të karrierës së saj, do të dalin në ankand në Beverly Hills në datat 24 dhe 25 qershor. Këto i bëri me dije në një deklaratë për mediat menaxheri, njëkohësisht edhe presidenti i Houston Estate, Pat Houston
“Ne menduam se ishte koha e duhur për t’i dhënë njerëzve që donin Whitney dhe muzikën e saj, diçka nga ajo, pasi të njëjtën dashuri ka ndjerë edhe ajo për të gjithë.
Sendet përfshijnë kostume të divës se muzikës, që kushtojnë nga 2 mijë deri në 3.500 dollarë. Por ndër pikat kryesore të ankandit janë skenari personal i filmit të vitit 1995 “Waitting Exhale”, i cili kap vlerën e 1,000 dollarë.
Po ashtu interesante është edhe nxjerrja ne treg e pasaportës së parë, që Whitney ka përdorur për turneun e saj muzikor ndërkombëtar, e cila shkon deri në 1300 dollarë.
Houston është njëkohësisht femra që ka fituar më shumë çmime muzikore në botë në të gjitha kohërat, ndaj nuk kishte si të ndodhte ndryshe një nga sendet personale të saj më të shtrenjta është çmimi i Grammy Awards, i cili është vlerësuar rreth 10,000 dollarë.
*Shfleto galerinë
Burimi: Daily Mail
