Semi Jaupaj ka qenë e ftuar në “Goca dhe Gra” ku ka folur për jetën e saj private dhe atë profesionale. Jo vetëm kaq por ajo u ndal edhe te marrëdhënia që ka me ish-partnerin e saj, Bojken Lako.
Këngëtarja shtoi se ajo gëzon një respekt të madh për Bojkenin dhe se e ka shumë xhan. Jo vetëm kaq por ajo tha se Bojken është i bukur si njeri.
Së fundmi, ajo shtoi se ka mirënjohje për ish-partnerin e saj por që nuk shpenzojnë kohë së bashku, pra që të frekuentohen apo të dalin për dreka e darka.
“Unë shokët e mi i kam shumë të afërt, shpenzoj shumë kohë me ta, flas shumë, Bojken nuk mund ta quaj shok të këtij niveli. Kam shumë respekt, e kam shumë xhan dhe më duket njeri shumë i bukur, pra i bukur si njeri. Për dreka darka jo. Nëse do me lidhte puna patjetër, nëse do e shihja do i flisja, nëse do kishte ditëlindjen do e uroja”- theksoi Semi ndër të tjera.
Kujtojmë që edhe gjatë Big Brother VIP, Semi foli gjerë e gjatë për Bojkenin duke thurur vetëm fjalë të mira dhe duke treguan se ata kanë respekt për njëri-tjetrin.
