“Back to You” titullohet kënga më e re e këngëtares Selena Gomez, që do të jetë dhe kolona zanore e sezonit të dytë të serialit “13 Reasons Why”.
Ajo ka vetëm pak orë që është publikuar dhe fansat që tani po thonë se është një dedikim për ish-të dashurin Justin Bieber.
Dhe në fakt kur dëgjon tekstin me kujdes të kujton historinë e ndarjeve dhe pajtimeve që Selena ka pasur me Bieber.
Teksti duket sikur është thurur vetëm për Justin dhe dashurisë për të:
“Ti mund ta ndash zemrën time në dy pjesë, por kur shërohet, ajo rreh për ty. E di që është e nxituar, por është e vërtetë. Dua të të mbaj kur nuk duhet ta bëj, kur jam shtrirë afër dikujt tjetër”.
Selena, e cila me sa duket është 100 për qind “single”, pas historisë me Bieber gjatë periudhës së Krishtlindjeve dhe Vitit të Ri, është nervoze për faktin që është beqare, shkruan Cosmopolitan:
“Ajo padyshim zgjodhi lumturinë, miqtë dhe familjen e saj dhe është kaq e tronditur për procesin e marrjes së vendimeve. Ajo ndihet më e fuqishme se kurrë dhe po pret për një kapitull tjetër”.
“Të gjithë e dinë që kemi lënë diçka papërfunduar. Dhe më vjen keq nëse nuk e kam thënë, kjo nuk është ajo që mund të ishte”, vijon teksti.
