Vetëm pak ditë më parë, Selena Gomez lajmëroi se kishte nevojë për pak pushim, pasi anuloi koncertet për probleme shëndetësore. Këngëtarja ka deklaruar më parë se vuan nga sëmundja “Lupus”, sëmundje inflamatore ku qelizat e sistemit imunitar sulmojnë organet.
Pas kësaj situate, nisën edhe aludimet për arsyen e vërtetë për të cilën mendohet se Selena anuloi koncertet.
Një burim i afërt me këngëtaren bën me dije se ajo po ia adreson problemet e fundit sëmundjes, por në fakt ajo po mundohet të fshehë abuzimin ndaj substancave narkotike dhe do t’i nënshtrohet rehabilitimit. Gjendja e saj emocionale është tepër e rënduar dhe ndihet shumë e vetmuar.
Abuzimet me drogat ishte shkaku i vdekjes së shoqes së saj të ngushtë Christina Grimme dhe ajo e ka përballuar keq këtë. Burimi shton për “Radar Online” se Selena ka përdor një koktejl substancash si “Lunesta, Ambien, Klonopin dhe Xanax” përpara se ajo t’i nënshtrohej rehabilitimit.
Ndërsa e vërteta ende nuk dihet, kujtojmë se në vitin 2014 Selena iu nënshtrua një trajtimi serioz për sëmundjen “Lupus”.
Burimi: Daily Mail
