Pas fejesës së Justin Bieber me modelen Hailey Baldwin, këngëtarja Selena Gomez ka filluar të mendojë për të nisur një lidhje të re.
Mirëpo tashmë ajo ka filluar të ketë kritere të reja për të dashurin e saj të ardhshëm. Pas dy historive të forta të dashurisë me Justin Bieber dhe The Weekend, Selena po mendon për një të dashur të ri, por që të mos jetë një personazh i njohur sikurse parterët e saj të mëparshëm. Ajo dëshiron që ai të ketë një profil të ulët publik dhe nuk dëshiron që lidhja e saj e re të jetë në qendër të vëmendjes mediatike.
“Selena ka një listë cilësish që ajo dëshiron që i dashuri i saj i ri të ketë dhe një gjë që nuk është në këtë listë është fakti që ai të ketë statusin e një personazhi të famshëm. Ajo preferon që i dashuri i saj të mos jetë i famshëm. Dëshiron dikë që ka gjetur pasionin e tij në jetë dhe është i suksesshëm, por nuk duhet të jetë njeri i famshëm. Ajo është më shumë se e hapur për të takuar një djalë jo të famshëm”, ka thënë një burim i afërt me Selenën për “HollywoodLife.com”.
I njëjti burim ka treguar se Selena dëshiron një të dashur të ri i cili të ketë të njëjtat vlera dhe besime sikurse ajo dhe të jetë gjithmonë besnik ndaj saj.
“Ajo gjithashtu dëshiron një të dashur që të ketë të njëjtat vlera dhe besime sikurse ajo dhe kjo është e padiskutueshme për të. Gjithashtu besnikëria është një kriter tjetër shumë i rëndësishëm dhe i pa tolerueshëm për të.
Përveç këtyre për Selenën e rëndësishme është edhe kimia në çift. Nëse ajo nuk do të ndiejë flutura në stomak, ajo nuk do të jetë e interesuar për të”, tha i njëjti burim.
Kujtojmë që Selena nuk ka qenë në një lidhje që pas ndarjes me Justin Bieber në muajin mars të këtij viti.
Burimi: HollywoodLife.com
