Selena Gomez është një ndër vajzat më të komentuara dhe më të ndjekura të showbiz-it sidomos nga adoleshentët. Ajo ka qenë vazhdimisht në qendër të vëmendjes mediatike për historinë e saj të dashurisë me këngëtarin e njohur Justin Bieber.
Mirëpo së fundmi Selena është rikthyer në vëmendjen e të gjithëve pas një deklarate bombë nga stilisti i famshëm i markës “Dolce&Gabbana”, Stefano Gabbana.
Ai ka komentuar në profilin e “The Catwalk Italia” në një prej postimeve ku shfaqej Selena në versione të ndryshme me fustan të kuq.
“Është shumë e shëmtuar”, komenton Stefano.
Madje si për ta përforcuar mendimin e tij stilisti i njohur ka komentuar përsëri duke konfirmuar mendimin e një prej ndjekësve, i cili thotë se Selena i ngjan qenit të racës Pomeranian.
Mirëpo kaq ka mjaftuar dhe ndjekësit kanë shpërthyer në të shara kundër tij.
“Unë jam italian dhe kërkoj falje për atë që Stefano Gabbana ka thënë, ai është i mbaruar. D&G vetë është e bukur, por ai vetë është i shëmtuar, i shpifur. Selena është një nga vajzat më të bukura në botë. Nuk e them unë,por një botë e tërë.”- shkruan një prej komentuesve në Twitter. Dhe komente të këtij tipi kundër tij, kanë qenë pafund.
Burimi: Cosmopolitan
