Selena Gomez ka vendosur të surprizojë një nga fanset e saj më të mëdha. Bëhet fjalë për 22-vjeçaren Sophie Saunders, e cila ka ndjekur të gjithë koncertet e këngëtares Selena Gomez gjatë turneut të saj ‘Revival’ në Australi.
Gjithçka ishte e organizuar mjaft mirë. Sophie ishte duke xhiruar një video dhe duke kënduar një nga këngët e këngëtares, “Kill them with kindness” në dhomën e saj të gjumit, kur Selena u shfaq prapa derës duke e lënë pa fjalë.
Gjatë bisedës edhe Gomez është befasuar kur Sophie i ka treguar se ajo ka udhëtuar deri në Teksas për ta ndjekur koncertin e saj atje. Selena e përqafoi fansen e saj dhe në fund realizuan edhe një selfie bashkë për ta patur kujtim. Më poshtë mund të ndiqni videon e suprizës.
