Me sa duket, ndarjet dhe bashkimet e shpeshta mes dyshes Selena Gomez dhe Justin Bieber, nuk paskan funksionuar si duhet. Edhe pse të gjithë thonë që dashuria ka triumfuar, çifti po i nënshtrohet një terapie, që ka nisur nga java e kaluar.
Kjo gjë që ndoshta shpjegon edhe faktin pse Justin postoi një fotografi në Instagram të një tabloje të bardhë të mbushur me mesazhe terapeutike rreth krishterimit, pikërisht një javë më parë.
Një burim për TMZ thotë se arsyeja për terapi mund të ketë të bëjë me ish-të dashurën e Justin, modelen Hailey Baldwin, me të cilën Justin doli pak kohë pas ndarjes së tij të fundit me Selenën.
Burimet e lidhura me Kishën Hillsong, ku Selena dhe Justin kanë kaluar shumë kohë së bashku – dhe ku Justin dhe Hailey gjithashtu shkonin – thanë se Justin u lidh me Hailey për të bërë ndryshime, si pjesë e besimit të tij të rilindur.
Në përpjekje për të qenë “i hapur dhe i sinqertë”, Bieber thuhet se i tha Selena-s se po bisedonte me Hailey-n dhe këngëtarja nuk e pëlqente faktin që ai ende ruante raporte miqësore me ish-in.
