Valentin Selaj, i dashuri i moderatores Viola Spiro, është bërë i njohur nga të gjithë pas arrestimit të tij pak muaj më parë. Ai u arrestua në Itali si një ndër bosët e trafikut të kokainës që vinte nga Amerika Latine.
Gjatë ditës së djeshme është sekuestruar pasuria me vlerë 1.4 milionë euro në Lezhë, dhe i përket pikërisht të dashurit të Viola Spiros.
Selaj u arresua pas hetimeve nga dy prokurorët holandezë dhe më pas policia italiane dhe ajo e Holandës finalizuan operacion antidrogë më 16 nëntor, duke vënë në pranga 7 persona, që trafikonin kokainë nga Amerika e Jugut, në Roterdam e më pas në Firence. Policia italiane publikoi edhe pamjet e operacionit, ku mes të arrestuarve ishte edhe 28-vjeçari nga Lezha, Valentin Selaj.
Lajmi u bë publik fillimisht nga gazeta italiane “La Nazione”, e cila nuk jepte shumë detaje, por në faqen e saj të parë ka publikuar një foto të shqiptarit Valentin Selaj bashkë me prezantuesen Viola Spiro. Sipas gazetës italiane, i dashuri i Viola Spiros kishte një rol shumë të rëndësishëm në grupin e trafikut të drogës, pasi siguronte kokainën nga Amerika e Jugut në Firence, përmes shtetit të Holandës.
