Madonna, e quajtur ndryshe edhe Mbretëresha e Pop i ka ngjitur me shumë vendosmëri dhe energji shkallët e suksesit duke u pozicionuar në Olimpin e yjeve të pakohë. Marie Louise Ciccone me emër arti Madonna, vjen nga klasa e mesme dhe një karakter luftarak e bëri atë të ndërmarrë zgjedhje të guximshme, të cilat do të përcaktonin jetën e saj në mënyrën që të gjithë e njohim.
Në fund të viteve ’70 u transferua nga Michigan në Nju-Jork me vetëm 35 dollarë në xhep. Ditët e para ishin të vështira, flinte në shtratin e një mikeshe, punonte si shërbëtore, shkonte në audicione muzikore, por pa ndonjë sukses të madh, pozonte nudo për piktorë e fotografë (më vonë këto fotografi u shitën për Playboy pa pëlqimin e yllit), por…Marie Louise Ciccone nuk hiqte dorë dhe ëndërronte suksesin me çdo kusht.
Pika e kthesës u shënua disa vite më vonë, kur Maddona në sajë të karakterit të saj të hekurt godet me këngën “Everybody”, pastaj me “Bordeline”, “Lucky Star” dhe në fund me ‘Like a Virgin’ që e bënë të famshme në gjithë botën në vitin 1985.
Që atëherë një histori suksesesh e ndoqën dhe Madonna u bë ylli më i famshëm i muzikës rock në histori. Është artistja femër që ka shitur më shumë disqe në botë-350 milionë të tillë. Ja thëniet e saj më të fuqishme për t’u lexuar, rilexuar dhe mbajtur gjithmonë në mendje:
1.Gjërat e thjeshta nuk më pëlqejnë, e thjeshta nuk të rrit, nuk të vë të mendosh.
2.Kupton që je e fortë nëse të tjerët të thonë se nuk të duan, por bota nuk të përmbyset dhe t’i qëndron në këmbë dhe drejt madje.
3.Jam e fortë, ambicioze dhe e di shumë mirë ç’dua. Nëse kjo më bën idiote, ok, le të jem.
4.Shumë njerëz kanë frikë të thonë se ç’duan dhe për këtë e kalojnë gjithë jetën duke mos e pasur.
5.Nuk ka rëndësi kush je, nuk ka rëndësi origjina jote, gjithmonë mund të ndryshosh dhe të bëhesh një version më i mirë i vetes.
6.Njerëzit nuk e dinë sa e zonja jam unë, por do ta zbulojnë shpejt. Në pak vite të gjithë do ta dinë. Kam planifikuar të bëhem një prej yjeve më të suksesshëm të shekullit.
7.Seksi nuk është dashuri dhe dashuria nuk është seks, por kur takohen është gjëja më e jashtëzakonshme që mund të ekzistojë.
8.Kam të njëjtin qëllim si atëherë kur isha fëmijë, të qeveris botën.
9.Refuzoj të sillem siç presin të tjerët.
