Sekreti i ngjyrës së kaltër, ja përse gratë në pushtet e veshin

Këtë vit të gjithë po çmenden për një nuancë të veçantë të ngjyrës bojëqielli pastel, e njohur ndryshe si “baby blue”.

Arsyeja përse këtë ngjyrë po e shohim gjithnjë e më tepër edhe në dyqanet e veshjeve janë pikërisht gratë e famshme e me stil të politikës botërore.

Lexo edhe :

Aktorja turke thirret për dëshmi, i merren analiza gjaku dhe flokësh

15:53 27/03/26

Si të hani mirë në restorantet e Parisit: Gabimet më të zakonshme të turistëve

15:51 27/03/26

Sikur të mos mjaftonte zonja e parë amerikane Melania Trump e cila në ditën e emërimit të presidentit Trump i la të gjithë pa fjalë e veshur me një kostum jashtëzakonisht elegant ngjyrë blu pastel nga Ralph Lauren, edhe zonja e parë franceze Brigitte Macron luajti me të njëjtin as nën mëngë.

Në emërimin e bashkëshortit të saj si president i Francës pak ditë më parë, ajo gjithashtu zgjodhi një kostum tepër elegant blu pastel nga marka Louis Vuitton. Por siç thotë redaktorja e modës Mary Alice Stephenson, për ngjarje të tilla nuk është se zonjat e para kanë shumë mundësi zgjedhjeje: “Po të veshësh të kuqe, duket sikur po thua: ‘Më shikoni mua!’: ikën e gjithë vëmendja nga burri krah teje.

Po të veshësh të bardhë, dukesh sikur po bën si shenjtore dhe gjithashtu evokon dasmat. E zeza është shumë e errët dhe e trishtë e po ashtu edhe bluja e errët. E verdha nuk duket mirë tek bjondet…”

Kështu, kjo ngjyrë duket se është e preferuara e grave më me stilt të politikës botërore duke qenë se edhe Jackie Kennedy duket se e kishte ngjyrën e preferuar kur vinte puna për veshjet e eventeve të rëndësishme.

Kate Middleton gjithashtu ka zgjedhur blunë pastel për shumë evente të tilla dhe duket se kjo nuancë është shndërruar dalëngadalë edhe në të preferuarën e grave të politikës së huaj dhe shqiptare.