Ed Sheeran është bërë sërish baba!
Këngëtari i “Bad Habits”, 31 vjeç, njoftoi në Instagram se ai dhe gruaja e tij, Cherry Seaborn, mirëpritën një tjetër vajzë.
Çifti gjithashtu janë prindër të vajzës 1-vjeçare që quhet Lyra Antarctica.
Sheeran ndau një foto të një palë çorapeve të bardha mbi një batanije ngjyrë kafe dhe shkroi: “Dua t’ju bëj të ditur të gjithëve se tashmë kemi një vajzë tjetër të bukur”.
Ai shtoi: “Ne të dy jemi kaq shumë të dhënë pas saj”.
Është e paqartë se kur lindi fëmija i dytë i Sheeran dhe Seaborn.
Lyra Antarctica lindi në shtator të vitit 2020, dhe Sheeran publikoi asokohe një foto të një palë çorapeve, ku më pas bëri edhe njoftimin e ëmbël.
Ai në atë kohë shkroi: “Një mesazh i shpejtë nga unë pasi kam disa lajme personale që doja t’i ndaja me ju… Javën e kaluar, Cherry lindi vajzën tonë të bukur dhe të shëndetshme – Lyra Antarctica Seaborn Sheeran.”
Këngëtari i hitit “Thinking Out Loud” shtoi: “Ne jemi plotësisht të dashuruar me të. Edhe nëna edhe foshnja janë mjaft të shëndetshme…”.
Sheeran dhe Seaborn, gjithashtu 31 vjeç, filluan të takoheshin me njëri-tjetrin në vitin 2015. Ata u martuan në janar të vitit 2019.
Sheeran dhe Seaborn kanë qenë miq fëmijërie dhe shokë klase.
