Në vazhdim të gjyqit ndaj Sean “Diddy” Combs, gruaja e dytë që prokurorët e akuzojnë për trafik seksual rrëfeu para jurisë maratonat e tmerrshme seksuale që kaloi me reperin dhe biznesmenin. Ajo tregoi sesi, gjatë seancës së martën, ai e detyronte të vazhdonte për orë e ditë me marrëdhënie me eskortë mashkullorë, duke e kontrolluar çdo moment të takimeve të tyre.
Gruaja, e identifikuar me pseudonimin “Jane,” rrëfeu se gjatë këtyre sesioneve të gjata dhe të nxitura nga droga, Sean “Diddy” i thoshte shpesh: “Ti nuk lodhesh te unë, apo jo?” dhe “Le ta mbyllim fort.” Ai i siguronte asaj Ecstasy për t’i dhënë energji dhe për të qëndruar zgjuar, ndërsa disa prej takimeve zgjatnin më shumë se 24 orë, madje deri në tre ditë rresht.
“Vendimin përfundimtar për kur të përfundojë çdo takim e merrte Sean,” tha Jane me emocion gjatë dëshmisë. Ajo shtoi se reperi i quante këto sesione “debauchery” ose “netë hoteli,” gjatë të cilave ai masturbonte. Këto përshkrime përputhen me ato të ish të dashurës së tij, Casandra Cassie Ventura, e cila përmendi se Diddy i quante këto momente “freak offs.”
Prokurorët pretendojnë se Sean Combs përdorte dhunë dhe kërcënime për t’i detyruar dy gratë të merrnin pjesë në këto takime. Jane tregoi gjithashtu se eskortët mashkullorë që ai paguante, sipas urdhrit të tij, ejakulonin mbi trupin e saj para se ajo të kryente marrëdhënie me Diddy.
Gruaja tha se kishte qenë në një lidhje financiare dhe emocionale me reperin, teksa ishte rritur varësia e saj prej tij gjatë kohës që shoqëroheshin. Ajo pranoi se kishte pranuar të bënte pjesë për herë të parë në një “netë hoteli” në maj 2021, duke menduar se do të ishte një eksperiencë e vetme, por kjo u shndërrua në një pjesë të përhershme të marrëdhënies së tyre.
