Këngëtari Robert Berisha është kthyer së fundmi në një ndër emrat më të komentuar në media, pas ndarjes së bujshme nga Nora Istrefi dhe deklaratave të tij të pakënshme për ‘dashnoret’.
Deklarata e tij e fundit acaroi rrjetin dhe s’i pëlqeu aspak femrave, mirëpo duket se Robertin nuk e shqetësojnë fjalët që thuhen për të.
Sot, këngëtari feston ditën e tij të lindjes dhe ka ripostuar në Instagram urimet e shumta që ka marrë nga kolegët e fansat e tij.
Besojeni ose jo, Roberti ka lindur më 28 janar të vitit 1977 dhe sot mbush 43 vjeç!
Siç e lexuat, 43!
Megjithatë, ai nuk e tregon aspak moshën e tij, madje edhe më herët gjatë intervistave ka treguar se ndihet shumë herë më i ri.
Ai merret me palestër sa herë të mundet dhe përpiqet të ushqehet sa më mirë, për të qëndruar i shëndetshëm dhe super në formë.
