Është ajo që po kërkonit! Ndërsa pyesni veten “përse”, “ICON” ju jep 101 arsye se në 160 faqet e numrit më të ri të revistës do të jenë të printuara dhe të shkruara gjërat që ju do të dëshironit të lexonit dhe të shikonit.
Stafi i ri i revistës “ICON” u fokusua fillimisht në studimin e asaj se çfarë prisnit nga ne, duke sjell një frymë të re. Jashtë tradicionales dhe kornizës së “komerciales”, ne ju servirim në një mënyrë artistike dhe cilësore modën e vërtetë.
Ajo që do t’ju bëjë për vete ndërsa shikoni këtë revistë, para se të arrini ta shfletoni, është pikërisht kopertina. “Super Sara”?! Nëse çuditeni me këtë titull atëherë ju sigurojmë se nuk e njihni Sara Kapon. Me një stil avangardë, Sara ka krijuar trendin e saj dhe grupin që e ndjekin për atë çfarë bën, duke u larguar nga “hija” e famës së nënës së saj, Ema Andrea.
Me katër editoriale kushtuar stilit të veshjes së përditshme, asaj sportive dhe veshjeve për meshkujt, bashkëpunuam me firmat më prestigjioze në Shqipëri (Swarovski, Swatch, Villeroy&Boch, Blue Girl, Casadei, Furla, Intersport Adidas, Kiss Me, etj.) së bashku me modelët më të mirë të “ICON Agency”.
Ndërsa shfletoni “ICON” do të informoheni për gjithçka. Nga kategoria “News”, me të rejat më të fundit në fushën e modës dhe stilin e rrugës, në kategorinë “ICON Style” që na tregon më shumë për “Haute Couture”, do të kaloni te “Life Style” me artin e gatimit nga Gëzim Musliaka, apo me Choupette-n (macen) e Karl Lagerfeld. Asnjëherë nuk i dihet! Ndoshta edhe ju një ditë do t’ju frymëzojë kafsha juaj shtëpiake.
Por “ICON” numër e saj të 7, sjell sigurisht atë që di të bëjë më mirë! Të tregojë trendin e momentit dhe çfarë do t’ju duhet “tani”. Me “Trend Report”, apo “gjërat që duhet të zhdukni në 2016-n”, ose edhe me përzgjedhjen e tendencave vetëm për meshkujt, do të shfletoni dhe do të gjeni veten pikërisht në këtë numër.
“ICON” vjen me një ndryshim të ri estetik, ndërsa sjell konceptet e modës, njerëzit interesant të cilët kanë çfarë na japin, apo edhe trendet e fundit. Por na besoni, ajo që po shkruajmë këtu nuk është asgjë para asaj që do të lexoni teksa shfletoni revistën tonë.
Bashkë me këtë numër, të cilin do ta gjeni në treg nga sot më 7 mars, keni dhuratë një produkt kozmetike nga “Kiss Me”. Klikoni këtu për të shkarkuar falas numrat e mëparshëm të revistës “ICON”.
“ICON” team (Redi Frashëri, Klebeta Jaupaj, Anilda Kacaci, Xhoi Musliaka, Ergys Zhabjaku, Andis Rado, Donald Braho, Elisa Pllumbaj, Isabela Kurti, Jearta Çaushi, Stela Hyso) falenderon të gjithë bashkëpuntorët dhe ndjekësit!
