Prej disa muajsh është bërë me dije se në ekranin e “Top Channel” do të startojë një format i ri muzikor.
Ai mban titullin “Jeho” dhe do të transmetohet në ekran për tre muaj rresht, çdo t dielë.
“Jeho” është një festival muzikor që do të ketë në fokus rrymat më të dëgjuara të momentit nga artistët pjesëmarrës.
Në çdo punatatë do të marrin pjesë 4 deri në 5 artistë të cilët do vihen në garë me njëri-tjetrin e që do vlerësohen nga një juri profesioniste. Në mbyllje të sezonit të parë do të zhvillohen dy gjysmë-finale dhe një finale LIVE për të shpallur fituesin.
“News31” bën me dije se pjesë e jurisë do të jenë 3 personazhe të njohur, të cilët do të japin vlerësimet e tyre.
Burimet për “News31.al” tregojnë se Kledi Bahiti, Elgit Doda dhe Megi Pojani mund të jenë juria e festivalit që do të nisë së shpejti.
Kujtojmë se Fjoralba Ponari do të jetë në rolin e prezantueses së spektaklit.
