Teksa bënte një tutorial për grimin së bashku me grimieren Erin Parson në një video live në Instagram, modelja Gigi Hadid ka nisur të flasë edhe për shtatzëninë e saj.
Pasi ka treguar se po e shijon në maksimum pritjen e ëmbël, Gigi ka rrëfyer se ka vënë re një ndryshim fare të vogël në fytyrën e saj.
Mesa duket, shtatzënia i ka ndikuar modeles në formën e fytyrës, pasi faqet e saj janë bërë më të plota dhe duken akoma më të mbushura.
Megjithatë, ajo shprehet se i kishte faqet që më parë dhe në fakt i janë mbushur vetëm pak më shumë.
Gigi Hadid on whether pregnancy has changed her face shape: “I think I already had the cheeks already, so it’s not like there’s a lot to fill in.” pic.twitter.com/thIidgA4YV
— Alyssa Bailey (@alyssabailey) May 20, 2020
Gigi ndaloi të sqaronte më tepër këtë fakt, pasi shumë persona e akuzojnë për ndërhyrje në fytyrë.
Modelja tregoi se nuk ka kryer kurrë ndërhyrje dhe këtë lloj fytyre ka pasur që në lindje.
“Njerëzit mendojnë se unë i jap formë faqeve, por në të vërtetë i kam ashtu. Nëse shikoni fotot e mia kur kam qenë fëmijë, do e shihni se jam njëjtë që nga lindja. Po ashtu njerëzit mendojnë se unë bëj mbushës në fytyrë dhe kjo është arsyeja se përse kam një fytyrë të rrumbullakët. Unë e kam pasur këtë që kur kam lindur”, ka thënë Gigi.
25-vjeçarja rrëfeu gjithashtu se nuk shqetësohet aspak për ndryshimet që do t’i sjellë shtatzënia gjatë këtyre muajve.
Ajo po përpiqet të qëndrojë sa më e qetë dhe të parapërgatitet për t’u bërë nënë.
