Prej disa ditësh, në media po përflitet se moderatorja e “Fun Day” në “InTV”, Fatma Methasani, do të largohet për disa kohë nga televizioni për shkak të shtatzënisë së komentuar aq shumë, për të cilën ende nuk ka reaguar vetë.
Gjithashtu, u tha se Fatmën këtë sezon të ri do ta shohim në “Top Channel”, pasi kishte pozuar së bashku me kolegun e saj, Armend Dumbon në ambientet e televizionit.
Moderatorja nuk ka reaguar në lidhje me lajmet që po qarkullojnë lart e poshtë, megjithatë ajo ka publikuar një foto që i ka sqaruar të gjitha.
Fatma ka treguar ditën e sotme se ndodhet sërish në zyrën e saj në “InTV” dhe mesa duket s’do të kemi asnjë lëvizje.
Ajo është surprizuar nga një fanse e rregullt, e cila i ka shkuar në zyrë. Për këtë arsye, Fatma e ka falenderuar fansen publikisht.
“Ana më ka ndjekur në çdo dalje timen televizive dhe sot më surprizoi me një vizitë te zyra ime.”-shkruan Fatma në postim.
Kujtojmë se prej disa javësh po përflitet për shtatzëninë e moderatores dhe burime pranë saj dhe Alfios e kanë konfirmuar lajmin e pritjes së ëmbël, ndërkohë që të gjithë po presim një pohim nga dyshja.
