Lista e plotë e nominimeve për çmimet “Oscars 2022” do të publikohet më 8 shkurt.
Ndërkohë vetëm sot u mbyll procesi i votimit të anëtarëve të jurisë. Edhe Kosova konkurron me filmin “Zgjoi”.
Së fundmi, aktorja Adriana Matoshi ka postuar një status në rrjete sociale.
Ajo shkruan se filmi “Zgjoi” është shembulli më i mirë i suksesit si dhe thekson se tashmë është radha e Kosovës për të shkruar emrin e saj në Oscars.
Postimi i plotë i Adriana Matoshit:
“ZGJOI osht shembulli ma i mirë i suksesit, çmimeve, vlerave dhe ma e rëndësishmja, pasqyrimi ma i drejtë i realitetit tonë.
Nuk e di pse disa njerëz ngurrojnë e nuk e përkrahin artin para se me arritë suksese të mëdha, po në fund krejt kanë qef me u identifiku edhe me u krenu me ato suksese.
Hajde bashkë t’a shkrujmë historinë, tu e shpërnda e tu e bo ZGJOIN me qarkullu në krejt platformat sociale e mediale.
Suksesi nisi në #Sundance, vazhdoi në shumë e shumë festivale prestigjioze, tash e kemi radhën me e shkrujt emrin e Kosovës edhe në #Oscars.
Kosova meriton t’a ketë vulën e saj në kinematografinë BOTËRORE. Historia e zonjës Fahrie dhe grave të Krushës e meriton këtë sukses”.
