Të gjithë e keni dëgjuar emrin e markës së njohur “Balmain”. Nëse do të pyesnit motrat Kardashian, me siguri do të dëgjonit vetëm fjalë të mira për markën franceze dhe fustanet e saj.
Por duke qenë se nuk keni ku dhe si t’i kontaktoni, më e lehtë është të pyesni motrat Hoxha, Lorin dhe Sarën, të cilat janë adhuruese të kësaj marke dhe kanë veshur shumë fustane “Balmain” në evente apo ditëlindje.
Por motrat Hoxha nuk janë të vetmet që e pëlqejnë! Një tjetër person që frymëzohet nga krijimet e markës franceze, është stilisti i mirënjohur Valdrin Sahiti, i cili ka paraqitur linjën e fundit të krijimeve të tij.
Ne u nisëm nga ngjashmëria e fustaneve për të thënë se krijimet e tij ngjajnë shumë me ato të koleksionit të vjeshtës 2016 nga Balmain. Fustanet kanë ngjyra të ndezura, dhe elementin më identifikues që mund të shihni, thekët.
Jo vetëm në pjesën fundore, ato janë vendosur edhe në pjesën e shpatullave dhe bel, për ta bërë edhe më lozonjar një fustan.
Këto detaje vihen re edhe në dy nga fustanet që stilisti Sahiti ka prezantuar përmes Instagramit. “Balmain” mbetet një nga emrat më të njohur që frymëzon çdo stilist, përfshi edhe ata shqiptarë.
