Kur patë klipin e këngës së fundit të Elvana Gjata jemi të sigurt që shumë prej jush nuk e lidhnin dot me një klip të caktuar. Pjesa e kalit dhe vrapimi me fustan është një detaj që mund ta keni hasur në shumë video të tjera.
Por nëse do të ishit të brezit të viteve ’60-’70 atëherë do t’ju kujtohej se kishit parë një video disi të ngjashme.
Elvana publikoi dje këngën “Forever Is Over”, për të cilën ka bashkëpunuar me producentin amerikan Poo Bear dhe me artistin e njohur David Guetta.
Ndërkohë që ka marrë vlerësime maksimale si nga fansat, ashtu edhe nga artistët shqiptare, ka patur edhe nga ata që me shaka kanë komentuar se klipi i këtij projekti muzikor është një frymëzim nga videoja muzikore e këngës së Ermira Babaliut, “Kali i Bardhë”.
Sipas disa fansave, duket se të dyja artistet kanë zgjedhur të shfaqen në klip me kalë dhe të veshura me fustan të bardhë, por ndryshimi është ngjyra e kalit.
Ermira Babaliu, këngëtarja nga Pogradeci, spikati me zërin e veçantë në fund të viteve ’80.
